نماز فجر سے پہلے اور بعد کے وظائف
پہلے تین ابتدائی آیتیں سورۂ انعام کی پڑھے ،دورکعت فجر کی سنت گھر میں پڑھ کر مسجد میں جائے، سنت کی پہلی رکعت میں سورۂ کافرون اور دوسری رکعت میں سورۂ اخلاص پڑھے۔
بزرگوں نے فرمایاہے کہ بواسیر کی دفع کے لیے پہلی رکعت میں سورۂ فاتحہ کے بعد اَلَمْ نَشْرَحْ اور دوسری رکعت میں اَلَمْ تَرَ کَیْفَ پڑھنا مجرب ہے۔ بعدسلام کے ستر بار کہے:۔
اَسْتَغْفِرُ اللّٰہَ رَبِّیْ مِنْ کُلِّ ذَنْبٍ سُبْحَانَ اللّٰہِ وَ بِحَمْدِہٖ
میں اللہ سے ہر ایک گناہ کی مغفرت چاہتا ہوں ، پاکی بیان کرتا ہوں اللہ کی اور اس کی حمدکرتا ہوں۔
اس کے بعد سورۂ قاف پڑھے اور فرض وسنت کے درمیان دنیاوی گفتگو نہ کرے اور گفتگو کرے تو بہتر ہےکہ سنت دوبارہ پڑھے۔ جب فرض نماز سے فارغ ہو تو اسی جگہ بیٹھا رہے ، اور دس بار پڑھے :۔
لَا اِلٰہَ اِلَّا اللّٰہُ وَحْدَہٗ لَا شَرِیْکَ لَہٗ لَہُ الْمُلْکُ وَلَہُ الْحَمْدُ یُحْیٖ وَیُمِیْتُ وَھُوَ حَیٌّ لَّا یَمُوْتُ اَبَداً ذُوْالْجَلَالِ وَالْاِکْرَامِ بِیَدِہٖ الْخَیْرُ وَھُوَ عَلٰی کُلِّ شَیْئٍ قَدِیْرٌ۔
اللہ کے سواکوئی معبود نہیں وہ تنہا ہے، اس کا کوئی شریک نہیں ، تعریف اور بادشاہی اسی کو سزاوار ہے، وہ زندگی بخشتا ہے، اور موت دیتا ہے، وہ زندہ ہے، اسے کبھی موت نہیں آسکتی، وہ عزت وجلال والا ہے، اسی کے ہاتھ میں ساری بھلائیاں ہیں، اور وہ ہر چیز پر قادر ہے۔
اس کے بعد اللہ تعالی کے ننانوے نام حضورِ دل سے ایک بار پڑھے، اس کے بعدسات بار یہ دعاپڑھے:۔
حَسْبِیَ اللّٰہُ لَا اِلٰہَ اِلَّا ھُوَ عَلَیْہِ تَوَکَّلْتُ وَھُھَ رَبُّ الْعَرْشَ الْعَظِیْمِ
اللہ ہمارے لیے کافی ہے، اس کے سوا کوئی معبود نہیں، اسی پر میں نے بھروسہ کیا ہے، اور وہ عرش عظیم کا مالک ہے۔
| پھر سات بار یہ دعاپڑھے:۔
اَللّٰھُمَّ اَجِرْنِیْ مِنَ النَّارِ یَا مُجِیْرُ
اے اللہ ! مجھے جہنم کی آگ سے بچا، تو ہی بچانے والا ہے۔
پھرتین بار یہ دعا پڑھے:۔
بِسْمِ اللّٰہِ الرَّحْمٰنِ الرَّحِیْمِ بِسْمِ اللّٰہِ خَیْرُ الْاَسْمَاءِ بِسْمِ اللّٰہِ رَبُّ الْاَرْضِ وَالسَّمَاءِ بِسْمِ اللّٰہِ لَا یَضَرُّمَعَ اسْمِہٖ شَیْئٌ فِیْ الْاَرْضِ وَلَا فِی السَّمَاءِ وَھُوَ السَّمِیْعُ الْعَلِیْمُ۔
اللہ کے نام سے شروع جو بڑا مہربان اور رحم والا ہے، اللہ کے نام سے شروع جو بہترین نام والا ہے، اللہ کے نام سے شروع جو زمین اور آسمانوں کا رب ہےاللہ کے نام شروع جو جس کا نام لینے کے بعد زمین اور آسمان میں کوئی چیز نقصان نہیں پہونچا سکتی ہے، وہ سننے والا اور جاننے والا ہے۔
پھر تین بار پڑھے:۔
اَللّٰھُمَّ صَلِّ عَلٰی مُحَمَّدٍ بِعَدَدِ مَنْ صَلّٰی عَلَیْہِ وَصَلِّ عَلٰی مُحَمَّدٍ بِعَدَدِ مَنْ لَّمْ یُصَلِّ عَلَیْہِ وَصَلِّ عَلٰی مُحَمَّدٍ کَمَا تُحِبُّ وَتَرْضٰی بِاَنْ تُصَلِّیَ عَلَیْہِ عَلٰی مُحَمّدٍ کَمَا اَمَرْتَنَا بِا لصَّلوٰۃِ عَلَیْہِ وَصَلِّ عَلٰی مُحَمَّدٍ کَمَا یَنْبَغِیْ الصَّلوٰۃُ عَلَیْہِ
اے اللہ! محمد ﷺ پر درود نازل فرما، ان لوگوں کی تعداد کے برابر جنھوں نے ان پر درود بھیجا، اور درود نازل فرما ان لوگوں کی تعداد کے بقدر جنھوں نے آپ پر درود نہیں بھیجا، جیسا کہ تو چاہتا ہے اور پسند کرتا ہے کہ ان پر درود بھیجا جائے ، اور تو نبی پر درود نازل فرما، جیسا کی تو نے ان پر درود بھیجنے کا حکم دیاہے، اور نبی پر درود بھیج جس طرح کی ان پر درود بھیجنے کا حق ہے۔
اکتالیس بار پڑھے:۔
یَا حَیُّ یَاقَیُّوْمُ لَا اِلٰہَ اِلَّا اَنْتَ۔
اے میرے رب! تو زندہ ہے، اور تو ہمیشہ قائم رہنے والا ہے، تیرے سوا کوئی معبود نہیں۔
پھر تین بار پڑھے:۔
سُبْحَانَ اللّٰہِ بِحَمْدِہٖ سُبْحَانَ اللّٰہِ الْعَلِیِّ الْعَظِیْمِ وَ بِحَمْدِہٖ اَسْتَغْفِرُ اللّٰہَ رَبِّیْ مِنْ کُلِّ ذَنْبٍ وَّاَتُوْبُ اِلَیْہِ وَلَا حَوْلَ وَلَا قُوَّۃَ اِلَّا بِاللّٰہِ الْعَلِیِّ الْعَظِیْمِ
اللہ تعالیٰ اس بات سے پاک ہے کہ اس کی تعریف کی جائے اللہ تعالیٰ پاک وہ بلند وعظمت والا ہے، میں اپنے رب سے تمام گناہوں کی مغفرت طلب کرتا ہوں، اور اسی وجہ سے توبہ کرتا ہوں، کوئی طاقت اور کوئی قوت نہیں ہے مگر اللہ سے، وہ بلند بالا اور عظمت والا ہے۔
اس کے بعد ایک بار سَیِّدُ الْاِسْتِغْفِار پڑھے ، پھر دس بار سورۂ اخلاص مع بسم اللہ تینتیس بار سُبْحَانَ اللّٰہ تینتیس بار اَلْحَمْدُ ِللّٰہ چونتیس بار اَللّٰہُ اَکْبَرُ اس کے بعد ایک بار پڑھے:۔
لَا اِلٰہَ اِلَّا اللّٰہُ وَحْدَہٗ لَا شَرِیْکَ لَہٗ لَہُ الْمُلْکُ وَلَہُ الْحَمْدُ یُحْیٖ وَیُمِیْتُ وَھُوَ حَیٌّ لَّا یَمُوْتُ اَبَداً ذُوْالْجَلَالِ وَالْاِکْرَامِ بِیَدِہٖ الْخَیْرُ وَھُوَ عَلٰی کُلِّ شَیْئٍ قَدِیْرٌ۔
اللہ کے سواکوئی معبود نہیں وہ تنہا ہے، اس کا کوئی شریک نہیں ، تعریف اور بادشاہی اسی کو سزاوار ہے، وہ زندگی بخشتا ہے، اور موت دیتا ہے، وہ زندہ ہے، اسے کبھی موت نہیں آسکتی، وہ عزت وجلال والا ہے، اسی کے ہاتھ میں ساری بھلائیاں ہیں، اور وہ ہر چیز پر قادر ہے۔
For Contact Us
Go to Contact Page
or
Mail:contact@makhdoomashraf.com
Cal:+91-9415721972